കടമേരി: നാടിന്റെ വികസനത്തിന് കക്ഷിരാഷ്ട്രീയത്തിനതീതമായി നാട്ടുകാര്‍ രംഗത്തിറങ്ങണമെന്ന്   പാറക്കല്‍ അബ്ദുല്ല എം.എല്‍.എ പറഞ്ഞു.
ആയഞ്ചേരി ഗ്രാമപഞ്ചായത്ത് എട്ടാം വാര്‍ഡ് തറോപ്പൊയില്‍ പുറത്തുട്ടയില്‍ കുന്നില്‍ 38 ലക്ഷം രൂപ ചെലവില്‍ നിര്‍മിക്കുന്ന ജലനിധി കുടിവെള്ള പദ്ധതിയുടെ പ്രവൃത്തി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചടങ്ങില്‍  ഗ്രാമപഞ്ചായത്ത് പ്രസിഡന്റ് എം.എം നഷീദ ടീച്ചര്‍ അധ്യക്ഷയായി.
വൈസ് പ്രസിഡന്റ് പി.എം ഷിജിത്ത് മാസ്റ്റര്‍, സ്റ്റാന്റിങ് കമ്മിറ്റി ചെയര്‍മാന്‍മാരായ നൊച്ചാട്ട് കുഞ്ഞബ്ദുല്ല, രൂപ കേളോത്ത്, പഞ്ചായത്തംഗങ്ങളായ സി.കെ കൗല ഗഫൂര്‍,സൗദ പുതിയെടുത്ത്, റസിയ വെള്ളിലാട്ട്, കുളങ്ങരത്ത് ബാബു, ബ്ലോക്ക് മെമ്പര്‍ തേറത്ത് കുഞ്ഞികൃഷ്ണന്‍ നമ്പ്യാര്‍, കുനിയിമ്മല്‍ കുഞ്ഞബ്ദുല്ല, സി.എച്ച് ഒണക്കന്‍, പി.കെ അഷ്‌റഫ് പ്രസംഗിച്ചു.