തേഞ്ഞിപ്പലം: അരീപ്പാറ- ആലുങ്ങല്‍ റോഡിലെ കാടുകള്‍ അരീപ്പാറ യൂനിറ്റ് എസ്.കെ.എസ്.എസ്.എഫ് പ്രവര്‍ത്തകര്‍ വെട്ടിതെളിച്ച് ശുചീകരിച്ചു. ഡ്രൈവര്‍മാരുടെ കാഴ്ചമറക്കും വിധം വളര്‍ന്ന് പന്തലിച്ച റോഡിന്റെ ഇരുവശത്തുമുള്ള കാടുകാളാണ്  പ്രവര്‍ത്തകര്‍ യന്ത്രം ഉപയോഗിച്ച് വെട്ടി ഒഴിവാക്കിയത്.
പ്രദേശത്ത് 500 മീറ്ററലിധികം ദൂരം റോഡിന്റെ ഇരുവശവും പുല്‍കാടുകള്‍ മൂടി വാഹനങ്ങളുടെ കാഴ്ച മറയ്ക്കുന്നത്  യാത്രക്കാര്‍ക്ക് പ്രയാസം സൃഷ്ടിച്ചിരുന്നു. ഇത് കണക്കിലെടുത്താണ് എസ്.കെ എസ്.എസ്.എഫ് പ്രവര്‍ത്തകര്‍ പാതയോരം ശുചീകരിക്കാന്‍ രംഗത്തിറങ്ങിയത്. കെ.ഇ യൂനുസ്, അഫ്‌സല്‍, ശൗക്കത്ത്, അജ്ഹദ്, ഫര്‍ഷാദ്, നൗഷാദ്, അഫ്‌സല്‍, അനസ്, നിയാസ് തുടങ്ങിയവര്‍ നേതൃത്വം നല്‍കി.