ഈരാറ്റുപേട്ട: കളത്തൂക്കടവ് ടൗണില്‍ പ്രവര്‍ത്തിച്ചിരുന്ന രണ്ട് കടകള്‍ കഴിഞ്ഞ രാത്രി കത്തി നശിച്ചു.
സെന്റ് തോമസ് കോണ്‍വന്റിന്റെ ഉടമസ്ഥതയിലുള്ള കെട്ടിടത്തില്‍ പ്രവര്‍ത്തിച്ചിരുന്ന ചേറ്റുകുളത്തില്‍ ഷാജി പോളിന്റെ ലേഡീസ് സ്റ്റോറും, പറപള്ളിയില്‍ ജോണിയുടെ ബേക്കറിയുമാണ് കത്തി നശിച്ചത്.
തിങ്കളാഴ്ച പുലര്‍ച്ചെ ഒന്നരയോടെയാണ് അഗ്‌നിബാധയുണ്ടായത്. വൈദ്യുതി ഷോര്‍ട്ട് സര്‍ക്യൂട്ടാണ് അപകടകാരണമെന്നു കരുതുന്നു.
രണ്ടുകടകളിലെ സാധനങ്ങളും ഓട് മേഞ്ഞ കെട്ടിടവും പൂര്‍ണ്ണമായി കത്തി നശിച്ചു.
ഈരാറ്റുപേട്ടയില്‍ നിന്നു അഗ്നിശമന സേനയെത്തിയാണ് തീയണച്ചത്.
കടയിലുണ്ടായിരുന്ന ആധാര്‍ കാര്‍ഡുള്‍പ്പടെയുള്ളവ കത്തി നശിച്ചു. ഏകദേശം പത്തുലക്ഷം രൂപയുടെ നഷ്ടം കണക്കാക്കുന്നു.