വെള്ളറട: ഇരുചക്രവാഹനങ്ങളുടെ അനധികൃത പാര്‍ക്കിങ് ഗതാഗതക്കുരുക്കുണ്ടാക്കുന്നു. വെള്ളറട ബസ്സ്റ്റാന്റ് ജങ്ഷനിലാണ് കുരുക്ക് രൂക്ഷമായിരിക്കുന്നത്. ഡിപ്പോയില്‍ നിന്നും ബസുകള്‍ ഇറങ്ങിവരുന്ന റോഡിന്റെ ഇരുവശങ്ങളിലും ബൈക്കുകള്‍ തോന്നുംപടി പാര്‍ക്ക് ചെയ്യുകയാണ്. ഇത് ബസുകള്‍ക്കും മറ്റു വാഹനങ്ങള്‍ക്കും സുഗമമായി കടന്നു പോകാന്‍ തടസമാവുകയാണ്. യൂനിയന്‍ ബാങ്കിന്റെ മുന്നിലെ റോഡിന്റെ ഇരുവശത്തും ഇതേ സ്ഥിതിയാണ്. പൊലിസ് കര്‍ശന നടപടിയെടുക്കണമെന്നാണ് യാത്രക്കാരുടെ ആവശ്യം.