ജിദ്ദ: സഊദിയില്‍ പൊതുമാപ്പിനെത്തുടര്‍ന്ന് സ്വദേശികളും വിദേശികളും അടക്കം 1228 പേര്‍ ജയില്‍ മോചിതരാകുമെന്ന് ആഭ്യന്തര വകുപ്പ്. കഴിഞ്ഞ റമദാനിലായിരുന്നു പൊതുമാപ്പ് പ്രഖ്യാപിച്ചത്.
മാപ്പ് ലഭിക്കാന്‍ അര്‍ഹതയുള്ള തടവുകാര്‍ക്കാണ് ആനുകൂല്യം ലഭിക്കുന്നത്. ജയില്‍ മോചിതരാവുന്നവരുടെ നടപടിക്രമങ്ങള്‍ പൂര്‍ത്തിയാക്കി വരികയാണെന്നും ഏതാനും നാളുകള്‍ക്കുള്ളില്‍ അവരെ മോചിപ്പിക്കുമെന്നും ജയില്‍ അധികൃതര്‍ അറിയിച്ചു.