കോട്ടയം: സംസ്ഥാന സ്‌കൂള്‍ ത്വയ്ക്കാണ്ടോ ചാംപ്യന്‍ഷിപ്പില്‍ ആദ്യദിനം പൂര്‍ത്തിയായത്  20 ഫൈനലുകള്‍. സബ് ജൂനിയര്‍ പെണ്‍കുട്ടികളുടെ 18 കിലോയ്ക്ക് താഴെയുള്ളവരുടെ  വിഭാഗത്തില്‍ കാസര്‍കോട് എ.യു.പി.എസ് ബൊവിക്കാനാ സ്‌കൂളിലെ എം. ചന്ദന ഒന്നാമതെത്തി. സബ് ജൂനിയര്‍ ഗേള്‍സ് 22 കിലോയ്ക്കു താഴെയുള്ളവരുടെ  വിഭാഗത്തില്‍ കാസര്‍കോട് ജി.എച്ച്.എസ് തച്ചങ്ങാട് സ്‌കൂളിലെ എസ്.കെ. അമൃതയും സബ് ജൂനിയര്‍ ഗേള്‍സ് 24 കിലോയ്ക്കു താഴെയുള്ളവരുടെ  വിഭാഗത്തില്‍ ആലപ്പുഴ സെന്റ് മേരീസ് ഗേള്‍സ് ഹൈസ്‌കൂള്‍ ചേര്‍ത്തലയുടെ ദേവിക ജി. ദാസും  ഒന്നാം സ്ഥാനം നേടി. സബ് ജൂനിയര്‍ ഗേള്‍സ് 26 കിലോയ്ക്കു താഴെയുള്ളവരുടെ  വിഭാഗത്തില്‍ തിരുവനന്തപുരം ഗവ. മോഡല്‍ ഗേള്‍സ് എച്ച്.എസ്.എസ് പട്ടം സ്‌കൂളിലെ എം. വൈഷ്ണവി ഒന്നാം സ്ഥാനം നേടി. സബ് ജൂനിയര്‍ ഗേള്‍സ് 29 കിലോയ്ക്കു താഴെയുള്ളവരുടെ  വിഭാഗത്തില്‍ കോഴിക്കോട് ചാലപ്പുറം ഗവ. അച്യുതന്‍ ജി.എച്ച്.എസ്സിലെ സ്‌കൃതി എസ് നായര്‍ ഒന്നാം സ്ഥാനം നേടി. സബ് ജൂനിയര്‍ ഗേള്‍സ് 32 കിലോയ്ക്കു താഴെയുള്ളവരുടെ  വിഭാഗത്തില്‍ മലപ്പുറം പൊന്നാനി ബി.ഇ.എം.യു.പി. സ്‌കൂളിലെ റാണാ മജിദ് പി. ഒന്നാം സ്ഥാനം നേടി. സബ് ജൂനിയര്‍ ഗേള്‍സ് 38  കിലോയ്ക്കു താഴെയുള്ളവരുടെ  വിഭാഗത്തില്‍ തൃശൂര്‍ പുന്നയാര്‍ക്കുളം ആര്‍.ആര്‍.എം.യു.പി. സ്‌കൂളിലെ സി.ജി. ശ്രീദൂര്‍ഗാ ഒന്നാം സ്ഥാനം നേടി.