വണ്ടൂര്‍: സ്വര്‍ണവും പണവും കൂടുതലാവശ്യപ്പെട്ട് ഭര്‍തൃവീട്ടുകാര്‍ പീഡിപ്പിച്ചെന്ന യുവതിയുടെ പരാതിയില്‍ വണ്ടൂര്‍ പൊലിസ് ഭര്‍ത്താവിനും ഭര്‍തൃ പിതാവ്, മാതാവ്, സഹോദര ഭാര്യ എന്നിവര്‍ക്കെതിരെയും കേസെടുത്തു.
തായംകോട് സ്വദേശി നീനു നല്‍കിയ പരാതിയിലാണ് ഭര്‍ത്താവ് പടകാളിപറമ്പ് ലിബീഷിനും കുടുംബത്തിനുമെതിരെ പൊലിസ് കേസെടുത്തത്. രണ്ടുവര്‍ഷം മുന്‍പ് വിവാഹം കഴിഞ്ഞ തന്നെ കൂടുതല്‍ സ്വര്‍ണമാവശ്യപെട്ട് നിരന്തരമായി ശാരീരിക, മാനസിക പീഡനങ്ങള്‍ക്കിരയാക്കുന്നുവെന്നായിരുന്നു യുവതിയുടെ പരാതി. പൊലിസ് അന്വേഷണമാരംഭിച്ചു.