കോഴിക്കോട്: രൂപതയുടെ വിശുദ്ധപദവി ആഘോഷവും ബിഷപ്പ് പത്രോണി അവാര്‍ഡ്ദാനവും നാളെ മദര്‍ ഓഫ് ഗോഡ് കത്തീഡ്രല്‍ ഹാളില്‍ നടക്കും. ചടങ്ങില്‍ 'ആശാകിരണം' പദ്ധതിയുടെ പ്രവര്‍ത്തനോദ്ഘാടനവും നടക്കും.
രാവിലെ 10.30നു നടക്കുന്ന പരിപാടി എം.കെ രാഘവന്‍ എം.പി ഉദ്ഘാടനം ചെയ്യും. സോഷ്യല്‍ സര്‍വിസ് സൊസൈറ്റി ഏര്‍പ്പെടുത്തിയ ബിഷപ്പ് പത്രോണി അവാര്‍ഡ് മാന്‍ഹോള്‍ അപകടത്തില്‍ മരിച്ച നൗഷാദിന്റെ മാതാവ് അസ്മാബിക്കു സമ്മാനിക്കും. അബ്ദുസ്സമദ് സമദാനി മുഖ്യപ്രഭാഷണം നടത്തും. കാന്‍സര്‍ രോഗികളെ സഹായിക്കുന്നതിനുള്ള 'ആശാകിരണം' പദ്ധതിയുടെ പ്രവര്‍ത്തനോദ്ഘാടനം മേയര്‍ തോട്ടത്തില്‍ രവീന്ദ്രന്‍ നിര്‍വഹിക്കും. മദര്‍ തെരേസയെ കുറിച്ചും വിശുദ്ധ മരിയ എലിസബത്ത് ഹെസല്‍ ബ്ലാഡിനെക്കുറിച്ചും എഴുത്തുകാരന്‍ എം. മുകുന്ദന്‍ പ്രഭാഷണം നടത്തും.
വാര്‍ത്താസമ്മേളനത്തില്‍ ഫാ. വി.സി ആല്‍ഫ്രഡ്, ഫ്രാന്‍സിസ് കോടങ്കണ്ടത്തില്‍, സിസ്റ്റര്‍ എം. ഡാമിയന്‍, ബ്രദര്‍ ബാബു പങ്കെടുത്തു.