പാലക്കാട്: മുഖ്യമന്ത്രിക്ക് വീണ്ടും മറുപടി നല്‍കി വി.എസ് അച്ചുതാന്ദന്‍. ബേജാറ് കൊണ്ടാണ് ഉമ്മന്‍ചാണ്ടി പലതും പറയുന്നത് എന്നാല്‍ ഇടതുമുന്നണി ഇതൊന്നും കാര്യമാക്കില്ലെന്നും വി.എസ് പറഞ്ഞു. നാമ നിര്‍ദ്ദേശ പത്രിക സമര്‍പ്പിക്കാന്‍ എത്തിയപ്പോഴായിരന്നു വി.എസിന്റെ പ്രതികരണം. തനിക്കെതിരെ ആര്‍.എസ്.എസ് ബന്ധമുണ്ടെന്നുള്ള ആരോപണം ന്യൂനപക്ഷ വോട്ട് ലക്ഷ്യമാക്കിയാണെന്ന് ഉമ്മന്‍ചാണ്ടി പറഞ്ഞിരുന്നു. വ്യാജ ആരോപണത്തില്‍ മാപ്പ് പറയണമെന്ന ആവശ്യത്തില്‍ രണ്ട് ദിവസത്തിനകം പ്രതികരണമില്ലെങ്കില്‍ നിയമനടപടികളുമായി മുന്നോട്ട് പോകുമെന്നും അദ്ദേഹം പറഞ്ഞിരുന്നു.