റിയാദ്: വിമാനത്താവള വ്യോമയാന പരിധിയില്‍ അജ്ഞാത ഡ്രോണ്‍ കണ്ടെത്തിയതിനെ തുടര്‍ന്ന് സുരക്ഷയുടെ ഭാഗമായി ദുബായ് അന്താരാഷ്ട്ര വിമാനത്താവളം അര മണിക്കൂര്‍ നേരത്തേക്ക് പൂര്‍ണമായും അടച്ചിട്ടു. ബുധനാഴ്ച പ്രാദേശിക സമയം രാവിലെ 8:08 മുതല്‍ 8:35 വരെയാണ് ദുബായ് അന്താരാഷ്ട്ര വിമാനത്താവളം അടച്ചിട്ടത്.

ലോകത്തെ ഏറ്റവും തിരക്കേറിയ വിമാനത്താവളം അര മണിക്കൂര്‍ നേരം അടച്ചിട്ടത് യാത്രക്കാരെ വലയ്ക്കുകയും വിമാന യാത്രാ ഷെഡ്യൂളുകള്‍ താറുമാറാകുകയും ചെയ്തു. വിമാനങ്ങള്‍ അടുത്തുള്ള വിമാനത്താവളത്തിലേക്ക് വഴി തിരിച്ചുവിടുകയായിരുന്നു. നാലു മാസത്തിനിടെ ഇതു രണ്ടാം തവണയാണ് ഡ്രോണ്‍ കണ്ടെത്തിയതിനെ തുടര്‍ന്ന് വിമാനത്താവളം അടച്ചിടേണ്ടി വന്നത്.