തച്ചനാട്ടുകര: വിദേശത്തു നിന്നും വാങ്ങിയ സ്വര്‍ണ്ണ വളക്കുള്ളില്‍ ഇരുമ്പുകമ്പിയെന്ന പരാതിയുമായി പ്രവാസി. നാട്ടുകല്‍ അമ്പത്തിമൂന്നാംമൈല്‍ സ്വദേശി ഉമ്മറിനാണ് ഈ അനുഭവം. 2014 ല്‍ ജിദ്ധയിലെ പ്രമുഖ ജ്വല്ലറിയില്‍ നിന്നും വാങ്ങിയ വള കഴിഞ്ഞ ദിവസം കേടുപാടു തീര്‍ക്കാന്‍ നല്‍കിയപ്പോഴാണ് ഉള്ളില്‍ നിന്നും കമ്പി ലഭിച്ചത്.
വളയുടെ ഉള്ളില്‍ വളയുടെ അതെ ആകൃതിയില്‍ ഘടിപ്പിച്ച രീതിയിലായിരുന്നു ഇരുമ്പു വളയം. ജ്വല്ലറിയുമായി ബന്ദപ്പെട്ടപ്പോള്‍ വളക്ക് ആകൃതി നല്‍കുന്നതിനായി ഘടിപ്പിച്ചതാണെന്നും ഇത് ഉപഭോക്താവിനെ വാങ്ങുന്ന സമയം ബോധ്യപ്പെടുത്തുന്നതില്‍ വന്ന വീഴ്ചയാണെന്നുമായിരുന്നു വിശദീകരണം. ഇതിനെതിരേ നിയമ പോരാട്ടത്തിനൊരുങ്ങുകയാണ് ഉമ്മര്‍.