കൊല്ലം: ജില്ലയില്‍ വനം വകുപ്പില്‍ ബീറ്റ് ഫോറസ്റ്റ് ഓഫീസര്‍ തസ്തികയുടെ (കാറ്റഗറി നമ്പര്‍ 012016, 022016, 032016, 042016) എന്‍ഡ്യൂറന്‍സ് ടെസ്റ്റ് (2 കിലോമീറ്റര്‍ ഓട്ടം) ഒക്‌ടോബര്‍ നാലു മുതല്‍ ആറു വരെ രാവിലെ ആറു മുതല്‍ പാരിപ്പള്ളി  വര്‍ക്കല, പരിപ്പള്ളി പരവൂര്‍ റോഡുകളില്‍ നടത്തും.
ചുരുക്കപ്പട്ടികയില്‍ ഉള്‍പ്പെട്ടവര്‍ ടെസ്റ്റ് ദിവസം രാവിലെ ആറിന് മുമ്പായി പ്രൊഫൈലില്‍ നിന്നും ഡൗണ്‍ലോഡ് ചെയ്ത അഡ്മിഷന്‍ ടിക്കറ്റും പി.എസ്.സി നിഷ്‌കര്‍ഷിച്ചിരിക്കുന്ന തിരിച്ചറിയല്‍ രേഖയുടെ അസലും സഹിതം ടെസ്റ്റിന് ഹാജരാകണം.
ടെസ്റ്റ് വേളയില്‍ റോഡില്‍ ഉണ്ടാകുന്ന ഗതാഗത നിയന്ത്രണങ്ങളുമായി പൊതുജനങ്ങള്‍ സഹകരിക്കണമെന്ന് പി.
എസ്.സി ജില്ലാ ഓഫീസര്‍ അറിയിച്ചു.