തൊടുപുഴ: ഇരുപതോളം കോഴികളെ തെരുവുനായ്ക്കള്‍ കടിച്ചു കൊന്നു. കീരികോട് ഫ്രണ്ട്‌സ് നഗര്‍ പുത്തന്‍വീട്ടില്‍ ജാസ്മിന്റെ കോഴികളെയാണ് തെരുവുനായ്ക്കള്‍ കടിച്ചു കൊന്നത്. അയല്‍വാസികളുടെ സഹായത്തോടെ നായ്ക്കളെ ഓടിക്കാന്‍ ശ്രമം നടത്തിയെങ്കിലും പരാജയപ്പെട്ടു. കോഴിക്കൂടിനുള്ളിലും സമീപത്തുള്ള പറമ്പുകളിലുമായി കോഴികളെ കൊന്നിട്ടിരിക്കുകയായിരുന്നു. ജാസ്മിന്റെ ഏക വരുമാന മാര്‍ഗ്ഗമാണ് ഇല്ലാതായത്. അടുത്തനാളില്‍ നായ് ശല്യം വര്‍ധിച്ചിരിക്കുകയാണെന്ന് ജാസ്മിന്‍ പറഞ്ഞു.