കൊല്ലം: ദക്ഷിണമേഖലാ ട്രാഫിക് എസ്.പി സുഹൃത്തിന്റെ വീട്ടില്‍ ഭക്ഷണം കഴിക്കുന്നതിനിടെ ഹൃദയാഘാതം മൂലം മരിച്ചു.
തിരുവനന്തപുരം സ്വദേശി ഭുവനചന്ദ്രനാണ് മരിച്ചത്.

ഇന്നു വൈകിട്ട് അഞ്ചോടെ കൊല്ലത്തു ക്യൂ.എ.സിക്കു സമീപമുള്ള സുഹൃത്ത് മുരുകനൊപ്പം അദ്ദേഹത്തിന്റെ വീട്ടില്‍ഭക്ഷണം കഴിക്കുന്നതിനിടെ ദേഹാസ്വാസ്ഥ്യം ഉണ്ടായതിനെ തുടര്‍ന്നു ഉടന്‍ തന്നെ ആശുപത്രിയിലെത്തിച്ചെങ്കിലും വഴമധ്യേ മരിച്ചെന്നാണ് വിവരം.

തുടര്‍ന്നു മൃതദേഹം നഗരത്തിലെ സ്വകാര്യ ആശുപത്രിയിലേക്കു മാറ്റി. ഉന്നത പൊലിസ് ഉദ്യോഗസ്ഥരെത്തിയശേഷം മേല്‍നടപടി സ്വീകരിക്കുമെന്നാണ് അറിയുന്നത്.