കോഴിക്കോട്: യേശുവിന്റേയും ഗാന്ധിയുടേയും ആശയങ്ങളുടെ സമന്വയമാണ് നമുക്കു വേണ്ടതെന്ന് പ്രശസ്ത സാഹിത്യകാരന്‍ എം. മകുന്ദന്‍.കോഴിക്കോട് സോഷ്യല്‍ സര്‍വീസ് സൊസൈറ്റിയുടെ (ജീവന) നേതൃത്വത്തില്‍ സംഘടിപ്പിച്ച വിശുദ്ധ മദര്‍ തെരേസയുടേയും, വിശുദ്ധ മരിയ എലിസബത്ത് ഹെസ്സല്‍ ബ്ലാഡിന്റേയും വിശുദ്ധ പദവി ആഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.കൈനിറയെ സ്‌നേഹവും നന്‍മയും കൊണ്ടു നടന്ന് സ്വര്‍ഗം പ്രാപിക്കുകയെന്ന മദര്‍തെരേസയുടെ സ്വപ്നം നമുക്കുള്ള സന്ദേശമാണെന്നും മുകുന്ദന്‍ പറഞ്ഞു.
മോസ്റ്റ് റവ.ഡോ.വര്‍ഗീസ് ചക്കാലയ്ക്കല്‍ അധ്യക്ഷത വഹിച്ചു. അബ്ദുസമദ് സമദാനി മുഖ്യ പ്രഭാഷണം നടത്തി. ബിഷപ്പ് പത്രോണീസ് അവാര്‍ഡ് ദാനവും ചിത്രകാരന്‍ ഫ്രാന്‍സിസ് കോടങ്കണ്ടത്ത്, മാന്‍ഹോള്‍ ദുരന്തത്തില്‍ മരിച്ച നൗഷാദിന്റെ ഉമ്മ, ഫാദര്‍ സൈമണ്‍ പീറ്റര്‍ എന്നിവരെ ആദരിക്കലും,ആശാകിരണം പദ്ധതിയുടെ രൂപതാതല ഉദ്ഘാടനവും ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു. ഡോ. തോമസ് പനയ്ക്കല്‍, റവ. സി.ഡാമിയന്‍.എം, മുന്‍മേയര്‍ റോബിന്‍ സംസാരിച്ചു.