കല്‍പ്പറ്റ: ലോക ഹൃദയ ദിനത്തോടനുബന്ധിച്ച് ഡി.എം വിംസ് ഹോസ്പിറ്റലിന്റെയും സ്‌പോര്‍ട്‌സ് കൗണ്‍സിലിന്റെയും ജെ.സി.ഐയുടെയും ആഭിമുഖ്യത്തില്‍ വാക്കത്തണ്‍ സംഘടിപ്പിച്ചു. ഹൃദയരോഗങ്ങളെ ചെറുത്തുനില്‍ക്കാനും തടയാനും പൊതുജനങ്ങളെ ബോധവാന്മാരാക്കുകയെന്നതാണ് ഹൃദയദിനത്തിന്റെ ലക്ഷ്യം.
രാവിലെ 10ന് സിവില്‍ സ്റ്റേഷന്‍ പരിസരത്തു നിന്നാരംഭിച്ച ഹൃദയദിനത്തിനു വേണ്ടിയുള്ള നടത്തം ജില്ലാ കലക്ടര്‍ ബി.എസ് തിരുമേനി ഫ്‌ളാഗ്ഓഫ് ചെയ്തു. ചുങ്കം വിജയ പമ്പ് പരിസരത്ത് സമാപന സമ്മേളനം എം.ഐ ഷാനവാസ് എം.പി ഉദ്ഘാടനം ചെയ്തു.
വിംസ് ഹോസ്പിറ്റല്‍ കാര്‍ഡിയോളജിസ്റ്റ് ചെറിയാന്‍ അക്കരപ്പറ്റി ഹൃദയ ദിന സന്ദേശം നല്‍കി. വിംസ് മെഡിക്കല്‍ കോളജ് ഡീന്‍ പ്രൊഫ. ഡോ. ശേഷ്ഗിരി അധ്യക്ഷനായി.
സ്‌പോര്‍ട്‌സ് കൗണ്‍സില്‍ പ്രസിഡന്റ് മധു, ഫാത്തിമ ഹോസ്പിറ്റല്‍ സര്‍ജന്‍ ഡോ. വി.ജെ സെബാസ്റ്റ്യന്‍, ജെ.സി.ഐ പ്രസിഡന്റ് ഡോ. ഷാനവാസ്, ഡി.എം വിംസ് ബിസിനസ് ഡെവലപ്‌മെന്റ് മാനേജര്‍ ബിജു മാത്യു, റിലേഷന്‍സ് മാനേജര്‍ സൂപ്പി കല്ലങ്ങോടന്‍ സംസാരിച്ചു.