ചങ്ങരംകുളം: മൂക്കുതല-മഠത്തിപ്പാടത്തു മുള്ളന്‍പ്പന്നിയെ വാഹനമിടിച്ചു ചത്ത നിലയില്‍ കണ്ടെത്തി. കഴിഞ്ഞ ദിവസം രാവിലെയാണു മൂക്കുതല-മഠത്തിപ്പാടത്തു റോഡരികില്‍ മുള്ളന്‍പന്നിയെ ചത്ത നിലയില്‍ നാട്ടുകാര്‍ കണ്ടത്. തുടര്‍ന്നു പഞ്ചായത്തംഗം വെറ്റിനറി ഡോക്ടറെ വിവരം അറിയിക്കുകയും സര്‍ജന്‍ ഡോ.സി.എം നഹീല്‍ സ്ഥലത്തെത്തി പരിശോധിക്കുകയും ചെയ്തു.
വനം വകുപ്പ് അധികൃതരെ വിവരം അറിയിക്കുകയും ചെയ്തതിനെത്തുടര്‍ന്നു കരുവാരക്കുണ്ട് ഡെപ്യൂട്ടി റെയ്ഞ്ച് ഫോറസ്റ്റ് ഓഫിസര്‍ സ്ഥലത്തെത്തി പോസ്റ്റ്‌മോര്‍ട്ടം നടത്താന്‍ ഡോക്ടര്‍ക്കു നിര്‍ദ്ദേശം നല്‍കി. തുടര്‍ന്നു വെറ്റിനറി സര്‍ജന്‍മാരുടെ നേതൃത്വത്തില്‍ ചങ്ങരംകുളത്തു വെച്ചു പോസ്റ്റ്‌മോര്‍ട്ടം ചെയ്തു.
തലയ്ക്കു ക്ഷതമേറ്റാണു മുള്ളന്‍പന്നി ചത്തതെന്നു ഡോക്ടര്‍മാര്‍ പറഞ്ഞു.