മലപ്പുറം: ഈ വര്‍ഷത്തെ റവന്യൂ ജില്ലാ സ്‌കൂള്‍ കലോത്സവം ജനുവരി നാലു മുതല്‍ ഏഴുവരെ തിരൂര്‍ ഗവണ്‍മെന്റ് ബോയ്‌സ് ഹയര്‍ സെക്കന്‍ഡറി സ്‌കൂളില്‍ നടക്കും. വിദ്യാഭ്യാസ ഉപഡയറക്ടറുടെ അധ്യക്ഷതയില്‍ ഉദ്യോഗസ്ഥരുടെയും അധ്യാപക സംഘടന പ്രതിനിധികളുടെയും യോഗത്തിലാണു മേള സംബന്ധിച്ച തീരുമാനം വന്നത്. ജില്ലാ ശാസ്ത്രമേള നവംബര്‍ 9 മുതല്‍ 11 വരെ മഞ്ചേരി ഗേള്‍സ് ഹയര്‍ സെക്കന്‍ഡറി സ്‌കൂള്‍, ബോയ്‌സ് ഹയര്‍ സെക്കന്‍ഡറി സ്‌കൂള്‍, യത്തീംഖാന സ്‌കൂള്‍ എന്നിവിടങ്ങളിലായി നടക്കും. ജില്ലാ കായിക മേള നവംബര്‍ 22 മുതല്‍ 24 വരെ കാലിക്കറ്റ് സര്‍വകലാശാല സ്റ്റേഡിയത്തില്‍ നടക്കും. സംസ്ഥാന സ്‌കൂള്‍ കായിക മേളയും ഡിസംബര്‍ ആദ്യവാരം കാലിക്കറ്റ് സര്‍വകലാശാല സ്റ്റേഡിയത്തില്‍ നടത്താന്‍ തീരുമാനമായിട്ടുണ്ട്.