കുന്നംകുളം: പെരുമ്പിലാവ്- നിലമ്പൂര്‍- കുറ്റിപ്പുറം ഹൈവേകളില്‍ റോഡ് കയ്യേറി പ്രവര്‍ത്തിക്കുന്ന തട്ടുകടകള്‍ അടിയന്തരമായി പൊളിച്ചുമാറ്റണമെന്ന് പെരുമ്പിലാവ് ഹോട്ടല്‍ ആന്റ് റസ്റ്റോറന്റ് അസോസിയേഷന്‍ ആവശ്യപ്പെട്ടു. ഹൈവേകളില്‍ റോഡ് കൈയ്യേറി അനധികൃതമായി ദിനംപ്രതി നിരവധി തട്ടുകടകളാണ് പ്രവര്‍ത്തിക്കുന്നത്.
കൃത്യമായ മാനദണ്ഡങ്ങള്‍ പാലിക്കാതെ പ്രവര്‍ത്തിക്കുന്ന ഇത്തരം കേന്ദ്രങ്ങള്‍ ഉടന്‍ പൊളിച്ചു മാറ്റാനാണ് പെരുമ്പിലാവ് ഹോട്ടല്‍ ആന്റ് റസ്റ്റോറന്റ് പൊതു യോഗം പ്രമേയം വഴി ആവശ്യപ്പെട്ടത്.
അധികൃതര്‍ അടിയന്തരമായി ഇടപെടാത്ത പക്ഷം കെ.എസ്.ടി.പി ഓഫിസ് ഉപരോധം ഉള്‍പ്പെടെയുളള സമര പരിപാടികള്‍ ആരംഭിക്കാനും യോഗം തീരുമാനിച്ചു.