മുക്കം: ഒക്ടോബര്‍ രണ്ട് വിഖായ ദിനത്തോടനുബന്ധിച്ച് എസ്.കെ.എസ്.എസ്.എഫ് സംസ്ഥാന വ്യാപകമായി 150 കേന്ദ്രങ്ങളില്‍ സഹചാരി സെന്ററുകള്‍ ആരംഭിക്കുകയാണ്. ഇതിന്റെ ഭാഗമായി മുക്കം മേഖല എസ്.കെ.എസ്.എസ്.എഫ് കമ്മിറ്റിയുടെ ആഭിമുഖ്യത്തില്‍ സഹചാരി സെന്റര്‍ മുക്കം ഇസ്‌ലാമിക് സെന്ററില്‍ നാളെ വൈകുന്നേരം 4 മണിക്ക് എസ്.വൈ.എസ് സംസ്ഥാന സെക്രട്ടറി നാസര്‍ ഫൈസി കൂടത്തായി ഉദ്ഘാടനം ചെയ്യും. ജില്ലാ പഞ്ചായത്ത് മെമ്പര്‍ സി.കെ കാസിം, സലാം ഫൈസി മുക്കം, കെ.എന്‍.എസ് മൗലവി തുടങ്ങിയവര്‍ പങ്കെടുക്കും. വിഖായ ദിനാചരണത്തിന്റെ ഭാഗമായി മേഖലയിലെ നാല് ഹെല്‍ത്ത് സെന്ററുകള്‍ ശുചീകരിക്കും. ചെറുവാടി, കൊടിയത്തൂര്‍, തേക്കുംകുറ്റി, കൂമ്പാറ ഹെല്‍ത്ത് സെന്ററുകള്‍ കെ. മോയിന്‍കുട്ടി മാസ്റ്റര്‍, സലാം ഫൈസി മുക്കം, കെ.വി.അബ്ദുറഹ് മാന്‍,ഒ.പി.എം.അഷ്‌റഫ് തുടങ്ങിയവര്‍ ഉദ്ഘാടനം ചെയ്യും.