വണ്ടൂര്‍: ഓട്ടോറിക്ഷയില്‍ കഞ്ചാവ് കടത്തിയ യുവാവിനെ കാളികാവ് എക്‌സൈസ് പിടികൂടി. മേലാറ്റൂര്‍ സ്വദേശി പുളിയേങ്ങല്‍ സല്‍മാന്‍ ഹാരിസ്(25) ആണ് ഓട്ടോറിക്ഷയും കാല്‍കിലോ കഞ്ചാവുമടക്കം പിടിയിലായത്.
മൊത്ത കച്ചവടക്കാരില്‍ നിന്ന് വണ്ടൂരിലും പരിസര പ്രദേശങ്ങളിലും ചില്ലറ വില്‍പനക്കാര്‍ക്ക് എത്തിക്കുന്ന ആളായിരുന്നു ഹാരിസ്. മണ്ണാര്‍ക്കാട്ടു നിന്നു വരുന്നതിനിടെ ചെറുകോട്ടു വച്ചാണ് ഇയാള്‍ പൊലിസ് പിടിയിലായത്. പ്രതിയെ പെരിന്തല്‍മണ്ണ കോടതിയില്‍ ഹാജരാക്കി. പ്രിവന്റിവ് ഓഫിസര്‍ ടി. ഷിജുമോന്‍, സിവില്‍ എക്‌സൈസ് ഓഫിസര്‍മാരായ പി.വി സുഭാഷ്, പി. സുധാകരന്‍, പി.കെ പ്രശാന്ത്, ആര്‍.പി സുരേഷ് ബാബു എന്നിവരടങ്ങിയ സംഘമാണു പ്രതിയെ പിടികൂടിയത്.