ഉരുവച്ചാല്‍: മണക്കായില്‍ നിര്‍മാണത്തിലിരിക്കുന്ന വീട്ടില്‍നിന്നു രണ്ട് വടിവാളുകള്‍ കണ്ടെത്തി. മണക്കായി ടൗണിനടുത്ത് കീഴല്ലൂര്‍ സ്വദേശി ശ്രീനേഷിന്റെ വീട്ടില്‍നിന്നാണ് വടിവാള്‍ കണ്ടെത്തിയത്. ഇന്നലെ രാവിലെ വീട്ടിലെത്തിയ പണിക്കാര്‍ തറ കോണ്‍ക്രീറ്റ് ചെയ്യാനായി പഴയ സാധനങ്ങള്‍ മാറ്റവെയാണ് വീടിന്റെ ടോയ്‌ലെറ്റില്‍ വടിവാളുകള്‍ കണ്ടത്. ഒന്ന് പ്ലാസ്റ്റിക് ചാക്കില്‍ പൊതിഞ്ഞ നിലയിലായിരുന്നു.
മട്ടന്നൂര്‍ എസ്.ഐ ബിനീഷ് കുമാര്‍ സ്ഥലത്തെത്തി വാള്‍ കസ്റ്റഡിയിലെടുത്തു. പ്രദേശത്ത് പൊലിസ് പരിശോധന ഊര്‍ജിതമാക്കി.
ഏതാനും മാസം മുന്‍ പ് സി.പി.എം-ബി.ജെ.പി സംഘര്‍ഷം നടക്കുകയും നിരവധി വാഹനങ്ങള്‍ മേഖലയില്‍ അക്രമിക്കപ്പെടുകയും ചെയ്തിരുന്നു.