കൊളത്തൂര്‍: അനധികൃതമായി മദ്യവില്‍പ്പന നടത്തുന്നയാളെ കൊളത്തൂര്‍ പൊലിസ് പിടികൂടി. രഹസ്യവിവരത്തെത്തുടര്‍ന്ന് ശനിയാഴ്ച രാത്രി 9ന് പടപ്പറമ്പ് പെട്രോളിയം പമ്പിനു സമീപത്തെ റോഡരികില്‍ വച്ച് റ്റാറ്റാ എയ്‌സ് പിക്കപ്പ് വാനില്‍ വില്‍പ്പന നടത്തുന്നതിനിടെ പാങ്ങ് ചേണ്ടി സ്വദേശി കൂനംകാവില്‍ കൃഷ്ണദാസ് എന്ന മണി (41)യാണ് പൊലിസ് പിടിയിലായത്.
ഇയാളില്‍ നിന്ന് 5.5 ലിറ്റര്‍ വിദേശമദ്യം പിടികൂടി. പൊലിസ് സ്ഥലത്തെത്തിയതോടെ ഇയാള്‍ ഓടി രക്ഷപ്പെടുകയായിരുന്നു. തുടര്‍ന്ന് നാട്ടുകാരുടെ സഹകരണത്തോടെയാണ് പൊലിസ് പ്രതിയെ പിടികൂടിയത്. കൊളത്തൂര്‍ എസ്.ഐ പി വിഷ്ണു, അഡി എസ്.ഐ വര്‍ഗീസ്, എ. എസ്.ഐ ഉദയന്‍, സി.പി.ഒ സജീര്‍, ഡ്രൈവര്‍ ജബ്ബാര്‍ തുടങ്ങിയവരാണ് സംഘത്തിലുണ്ടായിരുന്നത്.