മട്ടാഞ്ചേരി: ഗാന്ധിജിയിലേക്ക് മടങ്ങൂവെന്ന ആശയവുമായി ജവഹര്‍ ബാലജന വേദി കൊച്ചി നോര്‍ത്ത് ബ്‌ളോക്ക് കമ്മിറ്റി ശലഭക്കൂട്ടം എന്ന പേരില്‍ ക്യാംപ് സംഘടിപ്പിച്ചു. മട്ടാഞ്ചേരി ഹാജീസ ഹാജി മൂസ മെമ്മോറിയല്‍ ഹൈസ്‌ക്കൂളില്‍ നടന്ന ക്യാംപ് ജില്ലാ കോണ്‍ഗ്രസ് ജനറല്‍ സെക്രട്ടറി പി.കെ.അബ്ദുല്‍ ലത്തീഫ് ഉദ്ഘാടനം ചെയ്തു.
കെ.ബി ജബ്ബാര്‍ അധ്യക്ഷത വഹിച്ചു. ജവഹര്‍ ബാലജന വേദി ജില്ലാ ചെയര്‍മാന്‍ വേണു തിയ്യാടി മുഖ്യപ്രഭാഷണം നടത്തി. ജില്ലാ വൈസ് ചെയര്‍മാന്‍മാരായ കെ.ബി അഷറഫ്, സുനില്‍ കുമാര്‍, ഉമേഷ് മല്യ, എം.എം ഷരീഫ്, സി.ജി രമേശ്, കെ.ബി സലാം, സി.ജി വേണുഗോപാല്‍, സുജിത്ത് മോഹന്‍ എന്നിവര്‍ സംസാരിച്ചു. എം.പി ചാക്കോച്ചന്‍, ജയിംസ് കോറമേല്‍,ബി.എസ്.രമേശ് എന്നിവര്‍ കുട്ടികള്‍ക്കായി ക്‌ളാസുകള്‍ നയിച്ചു.
സമാപന സമ്മേളനം നഗരസഭ സ്റ്റാന്റിംഗ് കമ്മിറ്റി ചെയര്‍പേഴ്‌സന്‍ ഷൈനി മാത്യൂ ഉദ്ഘാടനം ചെയ്തു.വി.യു.ഹംസക്കോയ അധ്യക്ഷത വഹിച്ചു. എം.സത്യന്‍,ഷുഹൈബ് ഷോയ് എന്നിവര്‍ സംസാരിച്ചു. കലാമണ്ഡലം വിജയന്‍, എം.എം.സലീം, ജോളി ടീച്ചര്‍, റെമി ടീച്ചര്‍, അബീഷ് ആന്റെണി, അമല്‍ റോയി, അശ്വതി എന്നിവരെ ചടങ്ങില്‍ ആദരിച്ചു.