കാക്കനാട്:  എസ്.കെ.എസ്.എസ്.എഫ് കളമശ്ശേരി മേഖല കമ്മിറ്റി കങ്ങരപ്പടി ഇസ്‌ലാമിക് സെന്ററില്‍ തുടങ്ങുന്ന സഹചാരി സെന്റര്‍ ഇന്ന് വൈകിട്ട് ഏഴിന് പാണക്കാട് സയ്യിദ് സാദിഖലി ശിഹാബ് തങ്ങള്‍ നാടിനു സമര്‍പ്പിക്കും.
കങ്ങരപ്പടി മുനിസിപ്പല്‍ ഹാളില്‍ നടക്കുന്ന പൊതുസമ്മേളനത്തില്‍ സമസ്ത കേന്ദ്ര മുശാവറ അംഗം ഇ.എസ് ഹസ്സന്‍ ഫൈസി അധ്യക്ഷത വഹിക്കും.  പ്രശസ്ത ഹൃദയ ശസ്ത്രക്രിയ വിദഗ്ധന്‍ ഡോക്ടര്‍ മൂസക്കുഞ്ഞിയെ ചടങ്ങില്‍ ആദരിക്കും.
പ്രൊഫ. കെ.വി തോമസ് എംപി, വി.കെ ഇബ്രാഹിം ക്കുഞ്ഞ് എംഎല്‍എ, ടി.എ അഹമ്മദ് കബീര്‍ എംഎല്‍എ, പി.രാജീവ് എക്‌സ്എം പി, ജില്ലാ കളക്ടര്‍ കെ.മൊഹമ്മദ് വൈ സഫീറുള്ള തുടങ്ങിയവര്‍ വിശിഷ്ടാഥിതികള്‍ ആയിരിക്കും. എസ് കെഎസ്എസ്എഫ് സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി മുഖ്യ പ്രഭാഷണം നടത്തും.