പറവൂര്‍: കേരള ശാസ്ത്ര സാഹിത്യ പരിഷത്തിന്റെ നേതൃത്വത്തിലുള്ള യുറീക്ക വിജ്ഞാനോത്സവം നടത്തി. ഏഴിക്കര പഞ്ചായത്ത് തല വിജ്ഞാനോത്സവം കെടാമംഗലം ഗവണ്‍മെന്റ് എല്‍.പി സ്‌കൂളില്‍ ഏഴിക്കര പഞ്ചായത്ത് പ്രസിഡന്റ് ഗീതപ്രതാപന്‍ ഉദ്ഘാടനം ചെയ്തു. സ്‌കൂള്‍ പ്രധാനാധ്യാപിക പി.എം ഷൈനി അധ്യക്ഷതവഹിച്ചു.
കെടാമംഗലം പപ്പുക്കുട്ടി മെമ്മോറിയല്‍ ലൈബ്രറി പ്രസിഡന്റ് പി.പി സുകുമാരന്‍, കെ.എല്‍ ഗിരിജമ്മ ടീച്ചര്‍, സി.പി ബാബു, ഷിയാ ജോഷി സംസാരിച്ചു. വൈകിട്ടുനടന്ന സമാപനസമ്മേളനത്തില്‍ ബ്ലോക്ക് പഞ്ചായത്ത് മെമ്പര്‍ സീതാലക്ഷ്മി വിജയികള്‍ക്ക് സമ്മാനദാനം നടത്തി.
കുമാരി കെ.ബി നന്ദ സ്വാഗതഗാനം ആലപിച്ചു. എ.കെ ജോഷിയുടെ അധ്യക്ഷതയില്‍ സമാപനസമ്മേളനത്തില്‍ രേഖ സാജന്‍, പ്രീതി, എസ്.എം.സി അംഗം കെ.എന്‍ ബിനോയ്, എ.എ വിജോയ് എന്നിവര്‍ സംസാരിച്ചു.