കല്ലമ്പലം: പത്രവിതരണത്തിനിടെ യുവാവിനെ കാറിലെത്തിയ രണ്ടംഗസംഘം തടഞ്ഞു നിര്‍ത്തി മര്‍ദിച്ചതായി പരാതി.
പുല്ലൂര്‍മുക്ക് ഫിര്‍ദൗസില്‍ ഫിര്‍ദൗസിനാണ്  (20) മര്‍ദനമേറ്റത്. കഴിഞ്ഞ ദിവസം രാവിലെ ആറരയോടെ ഇരുചക്രവാഹനത്തില്‍ പത്രം വിതരണം നടത്തിവരുന്നതിനിടെ ഡീസന്റ്മു ക്ക് കശുവണ്ടി ഫാക്റ്ററിക്ക് സമീപത്തു വെച്ച്  കാറിലെത്തിയ രണ്ടംഗസംഘം കാര്‍ കുറുകെ നിര്‍ത്തി  ആക്രമിക്കുകയായിരുന്നുവെന്ന് കല്ലമ്പലം പൊലിസില്‍ നല്‍കിയ പരാതിയില്‍ പറയുന്നു. ദേഹമാസകലം മുറിവേറ്റ യുവാവ് സ്വകാര്യആശുപത്രിയില്‍ ചികിത്സ തേടി.  കോളജില്‍ വച്ചുണ്ടായ കശപിശയാണ് ആക്രമണത്തിനു പിന്നിലെന്ന് സംശയിക്കുന്നതായി യുവാവ് പറഞ്ഞു. കല്ലമ്പലം പൊലിസ് കേസെടുത്തു അന്വേഷണം ആരംഭിച്ചു.