കരുനാഗപ്പള്ളി: ഗാന്ധിയന്‍ മൂല്യങ്ങള്‍ക്ക് മുമ്പത്തേക്കാളും പ്രസക്തിയേറുകയാണെന്ന്  ആര്‍.രാമചന്ദ്രന്‍ എം.എല്‍.എ . ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും കേരള യൂത്ത് പ്രമോഷന്‍ കൗണ്‍സിലും സംയുക്തമായി സംഘടിപ്പിക്കുന്ന ഗാന്ധിജയന്തി വാരാഘോഷപരിപാടികളും ഗാന്ധി ചിത്രപദര്‍ശനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കേരള യൂത്ത് പ്രമോഷന്‍ കൗണ്‍സില്‍ സംസ്ഥാന ചെയര്‍മാന്‍ സുമന്‍ജിത്ത്മിഷ അധ്യക്ഷനായി.  നഗരസഭ പ്രതിപക്ഷ പാര്‍ലമെന്ററി പാര്‍ട്ടി ലീഡര്‍ എം.കെ.വിജയഭാനു, കെ.എസ്.ആര്‍.ടി.സി എ.റ്റി.ഒ ആര്‍.മനേഷ്, കൗണ്‍സിലര്‍മാരായ ആര്‍.രവീന്ദ്രന്‍പിള്ള, വിജയന്‍പിള്ള, കൗണ്‍സില്‍ ഭാരവാഹികളായ ജി.എസ്.പ്രസൂണ്‍, റ്റി.എസ്.മുരളീധരന്‍, രമേശ്.പി, ശ്രീലാല്‍, രാജീവന്റാം, സ്മിജിന്‍ദത്ത്, ആദിത്യ സന്തോഷ്, ബെറ്റ്‌സണ്‍ വര്‍ഗീസ്, ഗൗരി.എസ്.കുമാര്‍, മുഹമ്മദ് സലീംഖാന്‍, അരുണ്‍ചന്ദ്, ഇര്‍ഷാദ്, വി.വിജയന്‍ എന്നിവര്‍ പ്രസംഗിച്ചു.