മണ്ണാര്‍ക്കാട് : ജനവാസമേഖലയോട് ചേര്‍ന്നുള്ള വനമേഖലയില്‍ കുട്ടിക്കൊമ്പനെ ചരിഞ്ഞ നിലയില്‍ കണ്ടെത്തി. തെങ്കര മെഴുകുംപാറ അട്ടിയിലാണ് ഇന്നലെ കാലത്ത് കുട്ടിക്കൊമ്പന്റെ ജഡം കണ്ടെത്തിയത്.
അടുത്തുള്ള കാട്ടരുവിയില്‍ നിന്നും വെള്ളം കുടിക്കാനെത്തിയപ്പോള്‍ കാല്‍വഴുതി വീണ് തയലടിച്ചാണ് മരണമെന്നാണ് പ്രാഥമിക നിഗമനം. ഒറ്റയാനാണെന്ന് സംശയിക്കുന്നു. ഡി.എഫ്.ഒ ജയപ്രകാശ്, മണ്ണാര്‍ക്കാട് റെയ്ഞ്ച് ഓഫിസര്‍ ഗണേഷന്‍ എന്നിവരുടെ നേതൃത്തില്‍ വനംവകുപ്പ് ഉദ്യോഗസ്ഥര്‍ സ്ഥലത്തെത്തി.
കൊമ്പന്റെ പോസ്റ്റ്‌മോര്‍ട്ടം ഇന്നു നടത്തും.