കയ്പമംഗലം: കയ്പമംഗലം എം.ഐ.സി അംഗനവാടിയുടെ ആഭിമുഖ്യത്തില്‍ സംഘടിപ്പിച്ച ലോക വയോജന ദിനാചരണം ഇ.ടി ടൈസണ്‍ മാസ്റ്റര്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ടി.വി സുരേഷ് അധ്യക്ഷനായി. മതിലകം ബ്ലോക്ക് പഞ്ചായത്ത് അംഗം സി.കെ ഗിരിജ വയോധികരെ ആദരിച്ചു. പി.എ അനീഷ, സത്യന്‍ കുറൂട്ടിപറമ്പില്‍, ടി.ആര്‍ രാജലക്ഷ്മി, ജിസ്‌നി ഷാജി, ഗീത ടീച്ചര്‍, അബ്ദുള്‍ റഷീദ് മാസ്റ്റര്‍, മുഹമ്മദ് സഫീര്‍ തുടങ്ങിയവര്‍ സംസാരിച്ചു. എടത്തിരുത്തി ഗ്രാമപഞ്ചായത്തിലെ കുട്ടമംഗലം, പല്ല, പൈനൂര്‍ പ്രദേശങ്ങളിലെ യുവജന കൂട്ടായമയുടെ ആഭിമുഖ്യത്തില്‍ ചാമക്കാല ബീച്ച് പാലസ് ഓഡിറ്റോറിയത്തില്‍ നടന്ന വയോജന സംഗമം ഇ.ടി ടൈസണ്‍ മാസ്റ്റര്‍ എം.എല്‍.എ ഉദ്ഘാടനം ചെയ്തു. എടത്തിരുത്തി ഗ്രാമപഞ്ചായത്ത് പ്രസിഡന്റ് ബൈന പ്രദീപ് അധ്യക്ഷയായി. ദുബായ് നോര്‍ക്ക ഇന്റര്‍ നാഷണല്‍ ഗ്രൂപ്പ് ചെയര്‍മാന്‍ വി.എ ഹസ്സന്‍, ചാമക്കാല നഹ്ജുറഷാദ് ഇസ്‌ലാമിക് കോളജ് ചെയര്‍മാന്‍ ടി.എം ഹൈദര്‍ ഹാജി എന്നിവര്‍ മുഖ്യാതിഥികളായി. കൊടുങ്ങല്ലൂര്‍ സി.ഐ ബിജുകുമാര്‍, വലപ്പാട് എസ്.ഐ പി.ജി മധു, കവി ഏങ്ങണ്ടിയൂര്‍ ചന്ദ്രശേഖരന്‍, പത്ര പ്രവര്‍ത്തകന്‍ കെ.എ മുരളീധരന്‍ സിനിമാ താരങ്ങളായ ലിഷോയ്, രാജീവ് മേനോന്‍, മാപ്പിള കവി ഉമര്‍ പഴുവില്‍, എടത്തിരുത്തി രണ്ടാം വാര്‍ഡ് മെമ്പര്‍ സൈനുദ്ദീന്‍ മാസ്റ്റര്‍, ഉഷ വേലായുധന്‍, ഷെമീര്‍ എളയേടത്ത് എന്നിവര്‍ സംസാരിച്ചു. ചടങ്ങിന് തുടക്കം കുറിച്ച് കുട്ടമംഗലം കെ.എം.എല്‍.പി സ്‌കൂള്‍ പരിസരത്തു നിന്ന് ഇരുനൂറോളം വയോധികരുമായി പുറപ്പെട്ട ഉല്ലാസയാത്ര മതിലകം എസ്.ഐ ശുശാന്ത് ഫല്‍ഗ് ഓഫ് ചെയ്തു.