കൊടുങ്ങല്ലൂര്‍: പതിവ് തെറ്റിക്കാതെ അവരെത്തി, സ്‌നേഹത്തിന്റെ നറു രുചിയാര്‍ന്ന ഉച്ചയൂണുമായി. വയോജന ദിനാചരണത്തിന്റെ ഭാഗമായി ശൃംഗപുരം ഗവ: ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിന്റെയും മലയാളവേദിയുടെയും സംയുക്താഭിമുഖത്തില്‍ താലൂക്ക് ഗവ: ആശുപത്രിയില്‍ ഉച്ചയൂണ് വിതരണം ചെയ്തു. ഇത് എട്ടാമത് വര്‍ഷമാണ് വിദ്യാര്‍ഥികള്‍ ആശുപത്രിയില്‍ ഉച്ചഭക്ഷണം നല്‍കുന്നത്. നഗരസഭാ ചെയര്‍മാന്‍ സി.സി വിപിന്‍ ചന്ദ്രന്‍ ഉദ്ഘാടനം ചെയ്തു. പി.ടി.എ പ്രസിഡന്റ് നവാസ് പടുവിങ്ങല്‍ അധ്യക്ഷനായി. പ്രിന്‍സിപ്പല്‍ പി.കെ മോഹിനി, എന്‍.എസ്.എസ് പ്രോഗ്രാം ഓഫീസര്‍ പി.കെ നിസിമോള്‍, എസ്.എം.സി ചെയര്‍മാന്‍ വി.എസ് പ്രദീപ്, പി.ടി.എ വൈസ് പ്രസിഡന്റ് കെ.പി ഉണ്ണികൃഷ്ണന്‍, ഷൈജു സേവ്യര്‍, ഷീജ ടീച്ചര്‍, ബിന്ദു മുരളി, എന്‍.വി ഉണ്ണികൃഷ്ണന്‍, ബിന്ദു സുധി തുടങ്ങിയവര്‍ നേതൃത്വം നല്‍കി.