ജിദ്ദ: ജിദ്ദയില്‍ വാഹനാപകടത്തില്‍ മലപ്പുറം കോട്ടക്കല്‍ സ്വദേശി മരിച്ചു. കോട്ടക്കല്‍ കാവതികകളം സ്വദേശി വടക്കേതില്‍ അബ്ദുസ്സമദ് ആണ് മരിച്ചത്.


അബ്ദുസ്സമദ് ഓടിച്ച കാര്‍ ട്രെയിലറുമായി കൂട്ടിയിടിക്കുകയായിരുന്നു. ജോലിസംബന്ധമായ ആവശ്യത്തിനായി പോവുന്നതിനിടെ ജിദ്ദ ഇന്റര്‍നാഷനല്‍ വിമാനത്താവളത്തിനടുത്ത് വച്ചാണ് അപകടമുണ്ടായത്. ഉടനെ ജിദ്ദയിലെ ആശുപത്രിയിലെത്തിചെങ്കിലും രക്ഷിക്കാനായില്ല.


ഇന്നു പുലര്‍ച്ചെയായിരുന്നു അപകടം. ജിദ്ദയിലെ ഇമാദ് ബേക്കറി ജീവനക്കാരനാണ്. മൃതദേഹം ജിദ്ദയിലെ കിംഗ് ഫഹദ് ആശുപത്രി മോര്‍ച്ചറിയില്‍ സൂക്ഷിച്ചിരിക്കയാണ്.

ഭാര്യയും ഒരു കുട്ടിയും ഉണ്ട്. നടപടിക്രമങ്ങള്‍ പുര്‍ത്തിയാക്കി മൃതദേഹം നാട്ടിലെത്തിക്കുമെന്ന് ബന്ധുക്കള്‍ അറിയിച്ചു.