മനാമ: പ്രവാസി മലയാളികളുടെ വിവിധ ആവശ്യങ്ങളുന്നയിച്ച് കേന്ദ്രത്തിന് നിവേദനം നല്‍കിയതായി 'ബഹ്‌റൈന്‍ ഇന്ത്യ എജ്യുക്കേഷന്‍ ആന്റ് കള്‍ചറല്‍ ഫോറം' ഭാരവാഹികള്‍ അറിയിച്ചു.സീസണില്‍ വിമാനകമ്പനികള്‍ ടിക്കറ്റ് നിരക്ക് ഉയര്‍ത്തുന്നത് നിര്‍ത്തലാക്കുക, പ്രൊഫഷനല്‍ കോളജുകളിലെ എന്‍.ആര്‍.ഐ സീറ്റ് സാധാരണ പ്രവാസിക്ക് താങ്ങാന്‍ പറ്റില്ലെന്നതിനാല്‍ അവര്‍ക്ക് പ്രത്യേക സംവരണം ഏര്‍പ്പെടുത്തുക, എന്‍.ആര്‍.ഐ കമ്മീഷനെ നിയോഗിക്കുക തുടങ്ങിയ ആവശ്യങ്ങളാണ് നിവേദനത്തില്‍ ഉന്നയിച്ചിരിക്കുന്നത്. ബി.ജെ.പി ദേശീയ അധ്യക്ഷന്‍ അമിത് ഷാക്കാണ് നിവേദനം നല്‍കിയത്. തങ്ങളുടെ ആവശ്യങ്ങള്‍ അനുഭാവപൂര്‍വം പരിഗണിക്കാമെന്ന് അമിത് ഷാ ഉറപ്പുനല്‍കിയതായി സംഘടനാ ഭാരവാഹികള്‍ അറിയിച്ചു