തളിപ്പറമ്പ്: തൃച്ഛംബരം ഡ്രീംപാലസ് ഓഡിറ്റോറിയത്തിനു സമീപം പത്തു കോഴികളെ കൂട് തകര്‍ത്ത് തെരുവുനായ്ക്കള്‍ കടിച്ചുകൊന്നു.
പി.വി ബിജുവിന് കുടുംബശ്രീയില്‍ നിന്നു ലഭിച്ച ഗിരിരാജന്‍ കോഴികളാണ് ചത്തത്. രാവിലെയാണ് കൂട് തകര്‍ത്തത് ശ്രദ്ധയില്‍പ്പെട്ടത്. മുഴുവന്‍ കോഴികളെയും കടിച്ചുകീറി പറമ്പില്‍ ചിതറി കിടക്കുന്നതായാണ് കാണപ്പെട്ടത്. രാത്രി തെരുവുനായകള്‍ കൂട് തകര്‍ത്ത് കോഴികളെ അക്രമിക്കുകയായിരുന്നു. ബിജു തളിപ്പറമ്പ് നഗരസഭാ അധികാരികള്‍ക്ക് പരാതി നല്‍കി.