കല്‍പ്പറ്റ: കേരള എക്‌സൈസ് സ്റ്റാഫ് അസോസിയേഷന്‍ ജില്ലാ കമ്മിറ്റി ഗാന്ധിജയന്തി വാരാഘോഷത്തിന്റെ ഭാഗമായി ഈ മാസം എട്ടിന് മീനങ്ങാടി പഞ്ചായത്ത് കമ്യൂനിറ്റി ഹാളില്‍  ജില്ലാതല ഓപ്പണ്‍ പ്രൈസ്മണി ചെസ് ടൂര്‍ണമെന്റും ലഹരിവിരുദ്ധ ബോധവല്‍ക്കരണവും നടത്തും. സീനിയര്‍, ജൂനിയര്‍ വിഭാഗങ്ങള്‍ക്ക് പ്രത്യേകമായാണ് ചെസ് മത്സരം. സീനിയര്‍ വിഭാഗത്തില്‍ ജില്ലയിലെ റേറ്റഡ്, അണ്‍ റേറ്റഡ് താരങ്ങള്‍ക്ക് പങ്കെടുക്കാം.
ജൂനിയര്‍ വിഭാഗത്തില്‍ 16 വയസില്‍ താഴെയുള്ളവര്‍ക്കാണ് അവസരം. സീനിയര്‍ വിഭാഗത്തില്‍ 150ഉം ജൂനിയര്‍ വിഭാഗത്തില്‍ 100ഉം രൂപയാണ് രജിസ്‌ട്രേഷന്‍ ഫീസ്. പങ്കെടുക്കുന്നവര്‍ പ്രായം തെളിയിക്കുന്ന രേഖ ഹാജരാക്കണം. അണ്ടര്‍-12, അണ്ടര്‍-ഒന്‍പത് വിഭാഗങ്ങള്‍ക്ക് പ്രത്യേകം സമ്മാനം ഉണ്ടാകും. മത്സരം രാവിലെ 10ന്  മീനങ്ങാടി പഞ്ചായത്ത് വൈസ് പ്രസിഡന്റ് സി. അസൈനാര്‍ ഉദ്ഘാടനം ചെയ്യും. ഫോണ്‍: 9446350145, 9048384664.