കൊച്ചി: ഗാന്ധിജയന്തി വാരാഘോഷത്തിന്റെ ഭാഗമായി ജില്ല ഇന്‍ഫര്‍മേഷന്‍ ഓഫിസും ആകാശവാണി കൊച്ചി നിലയവും ചേര്‍ന്നു സംഘടിപ്പിച്ച ക്വിസ് മത്സരത്തില്‍ കുഴുപ്പിള്ളി സെന്റ് അഗസ്റ്റിന്‍സ് ഗേള്‍സ് ഹൈസ്‌ക്കൂളിലെ ഡീന ഡെന്നി, ദിയ രാജു ടീം ഒന്നാം സ്ഥാനം നേടി.
കിഴക്കമ്പലം ഞാറല്ലൂര്‍ ബത്‌ലഹേം ഗേള്‍സ് ഹൈസ്‌ക്കൂളിലെ കെ.ആര്‍ ശ്രീലക്ഷ്മി, എം.എ അപര്‍ണ ടീമിനാണു രണ്ടാം സ്ഥാനം.
കലൂര്‍ മോഡല്‍ ടെക്‌നിക്കല്‍ ഹയര്‍ സെക്കന്‍ഡറി സ്‌കൂളിലെ വി.ജെ അഭിജിത്, ആദര്‍ശ് ബിജു, ആലുവ എസ്.എന്‍.ഡി.പി ഹയര്‍ സെക്കന്‍ഡറി സ്‌കൂളിലെ പി കണ്ണന്‍, സുജിത് ജയന്‍ എന്നീ ടീമുകള്‍ മൂന്നാം സ്ഥാനം പങ്കിട്ടു. ആകാശവാണി പ്രോഗ്രാം എക്‌സിക്യുട്ടീവും സാഹിത്യകാരനുമായ ശ്രീകുമാര്‍ മുഖത്തല നയിച്ച മത്സരം തൃക്കാക്കര നഗരസഭ ചെയര്‍പഴ്‌സണ്‍ കെ.കെ. നീനു ഉദ്ഘാടനം ചെയ്തു.
കലക്ടര്‍ കെ മുഹമ്മദ് വൈ. സഫിറുള്ള, അസിസ്റ്റന്റ് കലക്ടര്‍ ഡോ. രേണുരാജ് എന്നിവര്‍ സമ്മാനദാനം നിര്‍വഹിച്ചു.