കൊടകര: സെന്റ് ജോസഫ്‌സ് ഫൊറോന പള്ളിയില്‍ കുടുംബസമ്മേളന കേന്ദ്രസമിതിയുടെ ആഭിമുഖ്യത്തില്‍ ഇടവകാതിര്‍ത്തിയിലെ വിവിധ മതവിഭാഗങ്ങള്‍ക്കായി സൗജന്യ വിനോദയാത്ര ശ്രദ്ധേയമായി. 70 വയസ് കഴിഞ്ഞവര്‍ക്കായി സംഘടിപ്പിച്ച വിനോദയാത്രയില്‍ 30 പേര്‍ പങ്കെടുത്തു.
വികാരി ഫാ. അഡ്വ. ഡോ. ജോണ്‍സന്‍ ജി. ആലപ്പാട്ട് നേതൃത്വം നല്‍കി. തൃശൂര്‍ മ്യൂസിയം, വിലങ്ങന്‍കുന്ന്, പൂമല, വാഴാനി അണക്കെട്ട് എന്നിവ സന്ദര്‍ശിക്കുകയുണ്ടായി.
പങ്കെടുത്ത എല്ലാവര്‍ക്കും സ്റ്റീല്‍ ഗ്ലാസ്, എക്‌സെര്‍സൈസ് പന്ത്, പായ്ക്കറ്റ് മിഠായി, ടോര്‍ച്ച് എന്നിവ സൗജന്യമായി വിതരണം ചെയ്തു.
രാവിലെ 6.30നു ആരംഭിച്ച യാത്ര രാത്രി 9.30നു സമാപിച്ചു.