കല്ലടിക്കോട് : തച്ചമ്പാറ ദേശബന്ധു സ്‌കൂളിലെ ബസ് തട്ടി രണ്ടുവിദ്യാര്‍ഥിനികള്‍ക്ക് പരുക്കേറ്റു. ഒമ്പതാംക്ലാസ് വിദ്യാര്‍ഥിനികളായ മുബഷിറ, ഹിബ എന്നിവര്‍ക്കാണ് പരുക്കേറ്റത്. കല്ലടിക്കോട് പറക്കാട് സ്വദേശികളായ വിദ്യാര്‍ഥിനികള്‍ സ്‌കൂള്‍ വിട്ട് പുറത്തേക്ക് വരുമ്പോള്‍ അതേ സ്‌കൂളിലെ ബസ് ഇവര്‍ക്കരികിലൂടെ പോയപ്പോഴാണ് അപകടം സംഭവിച്ചത്. അപകടം അറിയാതെ ബസ് ഡ്രൈവര്‍ ബസ് ഓടിച്ചുപോകുകയും ചെയ്തു. വിദ്യാര്‍ഥിനികളെ പരുക്കുകളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്.  മുബഷിറക്ക് വാരിയെല്ലിന് പൊട്ടലും ഹിബക്ക് മുഖത്തിനുമാണ് പരുക്ക്.