ഐക്കരപ്പടി: ചെറുകാവ് പഞ്ചായത്തും കൃഷിഭവനും ചെറുകാവ് സര്‍വീസ് സഹകരണ ബാങ്കും സംയുക്തമായി ഐക്കരപ്പടിയില്‍  പഴംപച്ചക്കറി ആഴ്ച വിപണി തുറന്നു. എല്ലാ  തിങ്കളാഴ്ചകളിലും ഐക്കരപ്പടിയില്‍ ചെറുകാവ് സര്‍വീസ് സഹകരണ ബാങ്ക് പരിസരത്താണ് ആഴ്ചചന്ത  പ്രവര്‍ത്തിക്കുക.
പഞ്ചായത്ത് പ്രസിഡന്റ് വി.പി ഷെജിനി ഉണ്ണി ഉദ്ഘാടനം പെയ്തു. വൈസ് പ്രസിഡന്റ് പി.വി.എ ജലീല്‍ അധ്യക്ഷനായി. സ്ഥിരംസമിതി അധ്യക്ഷരായ പി.കെ അബ്ദുള്ളക്കോയ, എം.ഡി സുലൈഖ, കെ.ഹേമകുമാരി, ബാങ്ക് പ്രസിഡന്റ് എം.അലവിക്കുട്ടി, വൈസ് പ്രസിഡന്റ് എന്‍.അച്ചു, കൃഷി ഓഫീസര്‍ ടി.കെ സൈഫുന്നീസ, പഞ്ചായത്ത് അംഗങ്ങളായ പി.പി ശ്രീനിവാസന്‍, ബദറു  പേങ്ങാട്, കോപ്പിലാന്‍ മന്‍സൂര്‍ അലി, കെ.പി ഉണ്ണി മാസ്റ്റര്‍ , എന്‍.കെ അസ്മാബി, സെക്രട്ടറി കെ.സുധീര്‍ തുടങ്ങിയവര്‍ സംസാരിച്ചു.