കോഴിക്കോട്: സംസ്ഥാന ന്യൂനപക്ഷ വികസന ധനകാര്യ കോര്‍പറേഷന്റെ മദ്‌റസ അധ്യാപക ഭവന വായ്പ വിതരണം  ഒക്ടോബര്‍ ഒന്‍പതിന് കോഴിക്കോട് ടൗണ്‍ഹാളില്‍ നടക്കും. തദ്ദേശ സ്വയം ഭരണ ന്യൂനപക്ഷ ക്ഷേമ വകുപ്പ് മന്ത്രി കെ.ടി ജലീല്‍ ഉദ്ഘാടനം ചെയ്യും. കെ.എസ്.എം.ഡി.എഫ്.സി ചെയര്‍മാന്‍ പ്രൊഫ. എ.പി അബ്ദുല്‍ വഹാബ് അധ്യക്ഷനാവും. എം.കെ രാഘവന്‍ എം.പി മുഖ്യാതിഥിയാവും. വിവാഹ ധനസഹായ വിതരണം ഡോ.എം.കെ മുനീര്‍ എം.എല്‍.എയും, സ്‌കോളര്‍ഷിപ്പ് വിതരണം എ. പ്രദീപ്കുമാര്‍ എം.എല്‍.എയും നിര്‍വഹിക്കും. മേയര്‍ തോട്ടത്തില്‍ രവീന്ദ്രന്‍, ന്യൂനപക്ഷ ക്ഷേമ വകുപ്പ് ഗവ. സെക്രട്ടറി എ. ഷാജഹാന്‍, കെ.എസ്.എം.ഡി.എഫ്.സി മാനേജിങ് ഡയറക്ടര്‍ വി.കെ അക്ബര്‍, ന്യൂനപക്ഷ ക്ഷേമ വകുപ്പ് ഡയറക്ടര്‍ അലി അസ്ഗര്‍ പാഷ ഐ.എ.എസ്, കേരള ഹജ്ജ് കമ്മിറ്റി ചെയര്‍മാന്‍ കോട്ടുമല ബാപ്പു മുസ്‌ലിയാര്‍, പ്രൊഫ.എ.കെ അബ്ദുല്‍ ഹമീദ്, ടി.പി അബ്ദുല്ലക്കോയ മദനി, ഡോ. ഹുസൈന്‍ മടവൂര്‍, ഡോ. കെ.കെ മുഹമ്മദ്, കടക്കല്‍ അബ്ദുല്‍ അസീസ് മൗലവി സംബന്ധിക്കും.