കൊടുങ്ങല്ലൂര്‍: രണ്ട് വ്യത്യസ്തമായ അപകടങ്ങളില്‍ രണ്ട് ബൈക്ക് യാത്രക്കാര്‍ക്ക് പരുക്കേറ്റു. രണ്ട് സംഭവങ്ങളിലും അപകടത്തിനിടയാക്കിയ വാഹനങ്ങള്‍ നിര്‍ത്താതെ പോയി. ആല ബസ് സ്‌റ്റോപ്പില്‍ വൈകീട്ട് 5.30 ഓടെ പെട്ടി ഓട്ടോറിക്ഷയിടിച്ച് സ്‌കൂട്ടര്‍ യാത്രക്കാരിയും ബി.എഡ് വിദ്യാര്‍ഥിനിയുമായ അഞ്ചാംപരത്തി അഭിലാഷിന്റെ ഭാര്യ ആതിര (28)യ്ക്ക് പരുക്കേറ്റു. ഇവരെ മോഡേണ്‍ ആശുപത്രിയില്‍ പ്രവേശിപ്പിച്ചു. വൈകീട്ട് 6 മണിയോടെ കാവില്‍ക്കടവില്‍ കാറും, സ്‌കൂട്ടറും കൂട്ടിയിടിച്ച് ശ്രീകുരുംബ ഭഗവതി ക്ഷേത്രത്തിലെ ജീവനക്കാരനായ അനില്‍കുമാര്‍(40) ന് പരുക്കേറ്റു. ഇയാളെ മോഡേണ്‍ ആശുപത്രിയില്‍ പ്രവേശിപ്പിച്ചു. രണ്ട് സംഭവങ്ങളിലും വാഹനങ്ങള്‍ നിര്‍ത്താതെ കടന്നുകളഞ്ഞു.