കണ്ണൂര്‍: സംസ്ഥാന പൊലിസ് ഫുട്‌ബോള്‍ ചാംപ്യന്‍ഷിപ്പില്‍ ക്വാര്‍ട്ടര്‍ മത്സരങ്ങള്‍ ഇന്നു തുടങ്ങും. പൊലിസ് പരേഡ് ഗ്രൗണ്ടില്‍ ഇന്നലെ നടന്ന ആദ്യ റൗണ്ട് മത്സരത്തില്‍ തൃശൂര്‍ എതിരില്ലാത്ത രണ്ടു ഗോളിന് കെ.എ.പി രണ്ടാം ബറ്റാലിയനെ തോല്‍പിച്ചു.
കോഴിക്കോടും ഐ.ആര്‍ ബറ്റാലിയനും തമ്മിലുള്ള മത്സരത്തില്‍ പെനാല്‍ട്ടി ഷൂട്ടൗട്ടിലൂടെ കോഴിക്കോട് വിജയിച്ചു. പൊലിസ് അക്കാദമി തൃശൂരും തിരുവനന്തപുരം ടെലി കമ്മ്യൂണിക്കേഷനും തമ്മിലുള്ള മത്സരത്തില്‍ എതിരില്ലാത്ത രണ്ട് ഗോളിന് തൃശൂര്‍ വിജയിച്ചു. കണ്ണൂര്‍-തിരുവനന്തപുരം മത്സരത്തില്‍ എതിരില്ലാത്ത അഞ്ചു ഗോളിന് കണ്ണൂര്‍ വിജയിച്ചു. മാങ്ങാട്ടുപറമ്പ് സ്റ്റേഡിയത്തില്‍ നടന്ന മത്സരത്തില്‍ പാലക്കാടിനെതിരേ രണ്ട് ഗോളുകള്‍ നേടി കാസര്‍കോട് വിജയിച്ചു. തിരുവനന്തപുരം റൂറല്‍-വയനാട് മത്സരത്തില്‍ അഞ്ചു ഗോളിനു വയനാട് വിജയിച്ചു. കെ.എ.പി മൂന്നാം ബറ്റാലിയന്‍-കൊച്ചിന്‍ സിറ്റി മത്സരത്തില്‍ ഒന്നിനെതിരേ രണ്ട് ഗോള്‍ നേടി കൊച്ചി വിജയിച്ചു. കണ്ണൂര്‍-മലപ്പുറം മത്സരത്തില്‍ ഒരു ഗോളിന് കണ്ണൂര്‍ വിജിയിച്ചു.