അമ്പലപ്പുഴ: പട്ടാപകല്‍ വീട് കുത്തിതുറന്ന് സ്വര്‍ണ്ണാഭരണങ്ങള്‍ മോഷ്ടിച്ചു. അമ്പലപ്പുഴ വടക്ക് പഞ്ചായത്ത് 10 ാം വാര്‍ഡില്‍ മാവുങ്കല്‍ അഫ്‌സലിന്റെ വീട്ടില്‍ നിന്നാണ് പട്ടാപ്പകല്‍ വീട് കുത്തിതുറന്ന് സ്വര്‍ണ്ണാഭരണം കവര്‍ന്നത്. സ്വര്‍ണ പാദ സ്വരം. മാല, കമ്മല്‍, മോതിരം ഉള്‍പ്പടെ അഞ്ചു പവന്‍ ആഭരണങ്ങളാണ് മോഷ്ടിച്ചത്. ഇതേ സമയം ബെന്ധുവീട്ടില്‍ നിന്നും മടങ്ങിയെത്തിയ അഫ്‌സലും കുടുബവും വീട്ടില്‍ എത്തിയപ്പോള്‍ പുറകിലെ വാതില്‍ കുത്തി തുറന്നതായി കാണപ്പെടുകയും തുടര്‍ന്നുള്ള പരിശോധനയില്‍ വീടിനുള്ളിലും അലമാരയിലും സൂക്ഷിച്ചിരുന്ന സാധന സാമഗ്രികള്‍ അലങ്കോലപ്പെടുത്തിയ നിലയിലും ആഭരണങ്ങള്‍ നഷടപ്പെട്ടതായും കണ്ടെത്തി. എന്നാല്‍ രണ്ടര പവന്റ ആഭരണങ്ങള്‍ വീട്ട് മുറ്റത്ത് നിന്നു കണ്ടെത്തുകയും ചെയ്തു. പരാതിയുടെ അടിസ്ഥാനത്തില്‍ അമ്പലപ്പുഴ പൊലിസ് കേസെടുത്ത് അന്വേഷമം ആരംഭിച്ചു.