ആലപ്പുഴ: ആലപ്പുഴ മെഡിക്കല്‍ കോളജിന്റെ വികസന പ്രവര്‍ത്തനങ്ങള്‍ക്കുള്ള 5.5 കോടി രൂപയുടെ പദ്ധതികള്‍ക്ക് ഭരണാനുമതി നല്‍കിയതായി ആരോഗ്യ വകുപ്പ് മന്ത്രി കെ.കെ. ശൈലജ അറിയിച്ചു.
കോളജിലെ വിവിധ വകുപ്പുകളിലേക്ക് ഉപകരണങ്ങള്‍ വാങ്ങുന്നതിനും വികസന പ്രവര്‍ത്തനങ്ങള്‍ക്കുമായാണ് സ്‌പെഷല്‍ വര്‍ക്കിങ് ഗ്രൂപ്പ് കൂടി തുക അനുവദിച്ചത്. ആരോഗ്യമന്ത്രി ഇന്ന് ഉച്ചകഴിഞ്ഞ് മൂന്നിന് മെഡിക്കല്‍ കോളജ് സന്ദര്‍ശിക്കും. വികസന പ്രവര്‍ത്തനങ്ങളും അടിസ്ഥാനസൗകര്യങ്ങളും വിലയിരുത്തും.