നെയ്യാറ്റിന്‍കര: ഡെങ്കിപ്പനിക്കെതിരെ നെയ്യാറ്റിന്‍കര താലൂക്കില്‍ ജാഗ്രതാ നിര്‍ദേശം.
താലൂക്ക് കേന്ദ്രത്തിന്റെ സമീപ പ്രദേശങ്ങളില്‍ ഡെങ്കിപ്പനി പടരുന്ന സാഹചര്യത്തിലാണ് നിര്‍ദേശം. കഴിഞ്ഞ രണ്ടാഴ്ചകളിലായി ആരോഗ്യവകുപ്പ് ജീവനക്കാര്‍ വീടുകള്‍ കേന്ദ്രീകരിച്ച് ബോധവല്‍കരണവും ശുചീകരണ പ്രവര്‍ത്തനങ്ങളും നടത്തി വരികയാണ്. ജില്ലാ മെഡിക്കല്‍ ഓഫിസിന്റെ കീഴില്‍ സീനിയര്‍ ബയോളജിസ്റ്റ് സന്തോഷ്‌കുമാറാണ് പ്രതിരോധ പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്.