കയ്പമംഗലം: എന്റര്‍പ്രണര്‍ഷിപ്പ് ക്ലബ്ബിന്റ ആഭിമുഖ്യത്തില്‍ കേരള ജാക്ക് ഫ്രൂട്ട് പ്രമോഷന്‍ കൗണ്‍സിലിന്റെ പ്രചരണ വാഹനമായ 'ചക്കവണ്ടി' പെരിഞ്ഞനം ആര്‍.എം.വി.എച്ച്.എസ് സ്‌കൂളിലെത്തി. വിവിധയിനം ചക്ക ഉല്‍പ്പന്നങ്ങളുടെ പ്രദര്‍ശനവും വില്‍പനയും നടത്തി. ചക്ക ഉല്‍പ്പന്നങ്ങളുടെ വിപണന ഉദ്ഘാടനം പി.ടി.എ വൈസ് പ്രസിഡന്റ് കെ.കെ അബ്ദുന്നാസര്‍ നിര്‍വഹിച്ചു. തുടര്‍ന്ന് ചക്കയും മൂല്യ വര്‍ധിത ഉല്‍പ്പന്നങ്ങളും എന്ന വിഷയത്തില്‍ സെമിനാര്‍ സംഘടിപ്പിച്ചു. ചടങ്ങില്‍ വി.എച്ച്.എസ്.ഇ പ്രിന്‍സിപ്പാള്‍ ഡോ: ആര്‍.അനില്‍കുമാര്‍, ഹയര്‍സെക്കന്ററി പ്രിന്‍സിപ്പാള്‍ കെ.ആര്‍ രാമനാഥന്‍, മാതൃ സംഗമം പ്രസിഡന്റ് മിനി ഇ.എസ്, സ്റ്റാഫ് സെക്രട്ടറി ടി.കെ ജയപ്രകാശന്‍, എന്റര്‍പ്രണര്‍ഷിപ്പ് ക്ലബ്ബ് കോ-ഓഡിനേറ്റര്‍ ഗുലാം മുഹമ്മദ്, ഫോറസ്ട്രി ക്ലബ്ബ് കോഡിനേറ്റര്‍ പോപ്പു ജോസഫ് എന്നിവര്‍ സംസാരിച്ചു. ചക്കയുല്‍പന്നങ്ങളുടെ പ്രദര്‍ശനത്തില്‍ ആയിരത്തോളം വിദ്യാര്‍ഥികള്‍ പങ്കെടുത്തു. സെമിനാറിന് മുന്നോടിയായി സ്‌കൂളിന്റെ സില്‍വര്‍ ജൂബിലി ആഘോഷങ്ങളുടെ ഭാഗമായി ഫോറസ്ട്രി ക്ലബ്ബിന്റെ ആഭിമുഖ്യത്തില്‍ പ്രശസ്ത ഫോട്ടോ ഗ്രാഫര്‍മാരായ സീമ സുരേഷ്, ഷാജി മതിലകം എന്നിവരുടെ ഫോട്ടോ പ്രദര്‍ശനവും നടത്തി. തുടര്‍ന്ന് ക്ലബ്ബ് അംഗങ്ങള്‍ക്കായി വന്യജീവി ശില്‍പശാലയും നടത്തി.