കൊല്‍ക്കത്ത: സഞ്ജു സാംസണിന്റെ സെഞ്ച്വറിയുടെ മികവില്‍ ജമ്മു-കാശ്മീരിനെതിരായ രഞ്ജി ട്രോഫി മത്സരത്തില്‍ ആദ്യ ദിനം കേരളം ഏഴു വിക്കറ്റ് നഷ്ടത്തില്‍ 263 റണ്‍സെടുത്തു. 129 റണ്‍സുമായി സഞ്ജുവും ആറു റണ്‍സുമായി മനു കൃഷ്ണനുമാണ് ഒന്നാം ദിനം കളി നിര്‍ത്തുമ്പോള്‍ ക്രീസില്‍. 251 പന്തില്‍ 19 ഫോറും ഒരു സികസ്ും അടങ്ങുന്നതായിരുന്നു സഞ്ജുവിന്റെ ഇന്നിങ്‌സ്. അതിഥി താരം ജലജ് സക്‌സേന 88 പന്തില്‍ നിന്നു 11 ഫോറും ഒരു സിക്‌സും ഉള്‍പ്പടെ 69 റണ്‍സ് നേടി. ഇഖ്ബാല്‍ അബ്ദുല്ല, കെ മോനിഷ് എന്നിവര്‍ 14 റണ്‍സ് വീതം നേടി. ജമ്മു കശ്മിരിനായി സമിയുല്ല ബെയ്ഗ് നാലു വിക്കറ്റ് വീഴ്ത്തി. ബംഗാള്‍ ക്രിക്കറ്റ് അക്കാദമി ഗ്രൗïില്‍ നടക്കുന്ന മത്സരത്തില്‍ ടോസ് നേടിയ ജമ്മു-കശ്മിര്‍ കേരളത്തെ ബാറ്റിങിനയക്കുകയായിരുന്നു.
ക്വാര്‍ട്ടര്‍ ലക്ഷ്യമിട്ടു രഞ്ജി ട്രോഫിയില്‍ കളിക്കാനിറങ്ങിയ കേരളത്തിനു ഒന്നാം ഇന്നിങ്‌സ് ലീഡ് നേടണമെങ്കില്‍ ബൗളര്‍മാര്‍ മികച്ച പ്രകടനം പുറത്തെടുക്കണം.