കല്‍പ്പറ്റ: സ്വാശ്രയ വിഷയത്തില്‍ മുഖ്യമന്ത്രിയുടെ നിലപാട് പ്രതിഷേധാര്‍ഹമാണെന്നും പല മഹാന്‍മാരുമിരുന്ന മുഖ്യമന്ത്രിക്കസേരക്ക് തന്നെ അപമാനകരമാവുന്ന വിധത്തിലാണ് സ്വാശ്രയ വിഷയത്തില്‍ സമരം നടത്തുന്ന യു.ഡി.എഫ് നേതാക്കളോടും എം.എല്‍.എമാരോടും അദ്ദേഹം പെരുമാറുന്നതെന്നും എം.ഐ ഷാനവാസ് എം.പി പറഞ്ഞു. കേരളത്തിലെ ലക്ഷക്കണക്കായ വിദ്യാര്‍ഥികളെ ബാധിക്കുന്ന ഈ വിഷയം ബന്ധപ്പെട്ടവരുമായി ചര്‍ച്ച നടത്തി ഉടന്‍ പരിഹരിക്കണമെന്ന് അദ്ദേഹം ആവശ്യപ്പെട്ടു.
കേരളത്തിലെ 14 ജില്ലാ ആസ്ഥാനങ്ങളിലും സംഘടിപ്പിക്കുന്ന ധര്‍ണയുടെ ഭാഗമായി വയനാട് കലക്ടറേറ്റില്‍ സംഘടിപ്പിച്ച യു.ഡി.എഫ് നേതൃതല ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജില്ലാ യു.ഡി.എഫ് ചെയര്‍മാന്‍ സി.പി വര്‍ഗീസ് അധ്യക്ഷനായി. കെ.എല്‍ പൗലോസ്, എന്‍.ഡി അപ്പച്ചന്‍, കെ.കെ അഹമ്മദ് ഹാജി, കെ.കെ വര്‍ഗീസ്, കെ.കെ ഹംസ, എം.സി സെബാസ്റ്റിയന്‍, കെ.എം ബാബു, ടി. മുഹമ്മദ്, പി.പി ആലി, ടി. ഹംസ, പടയന്‍ മുഹമ്മദ്, എന്‍.കെ വര്‍ഗീസ്, എം.എ അസൈനാര്‍, ബിനു തോമസ്, ഗോകുല്‍ദാസ്, കെ.വി പോക്കര്‍ ഹാജി, വി.എ മജീദ്, പി.പി.എ കരീം, റസാഖ് കല്‍പ്പറ്റ സംസാരിച്ചു.