മണ്ണഞ്ചേരി: വധശ്രമകേസിലെ പ്രതിയെ പൊലീസ് പിടികൂടി. മാരാരിക്കുളം തെക്ക് പഞ്ചായത്തില്‍ 21 -ാം വാര്‍ഡില്‍ പരുത്തിയില്‍വീട്ടില്‍ ജെയ്‌സണ്‍(ബിനുകുട്ടന്‍ -22) ആണ് പിടിയിലായത്.
മാരാരിക്കുളം തെക്കുപഞ്ചായത്തില്‍ 22 -ാം വാര്‍ഡില്‍ വാഴക്കൂട്ടംപൊഴി സ്വദേശി സോളമനെ വധിക്കാന്‍ ശ്രമിച്ച കേസിലാണ് ഇയാളെ അറസ്റ്റുചെയ്തത്. എട്ടുമാസം മുന്‍പായിരുന്ന കേസിനാസ്പദമായ സംഭവംനടന്നത്. ആലപ്പുഴ റെയില്‍വേസ്റ്റേഷന്‍ പരിസരത്ത് ജെയ്‌സണ്‍ ഉണ്ടെന്ന രഹസ്യവിവരം ലഭിച്ചതിനെതുടര്‍ന്ന് മണ്ണഞ്ചേരി എസ്.ഐ കെ.രാജന്‍ബാബുവിന്റെ നേതൃത്വത്തിലെത്തിയ പൊലീസ് സംഘം ബൈക്കില്‍ രക്ഷപെടാന്‍ശ്രമിച്ച പ്രതിയെ പിടികൂടുകയായിരുന്നു.