ഇരിട്ടി: സാങ്കേതിക തകരാര്‍മൂലം സിനിമാ പ്രദര്‍ശനം പത്ത് മിനുട്ട് നിര്‍ത്തിവയ്‌ക്കേണ്ടി വന്നതിനെ തുടര്‍ന്ന് ഫാന്‍സുകാര്‍ തിയറ്റര്‍ അടിച്ചു തകര്‍ത്തു. ഇന്നലെ ഉച്ചയ്ക്ക് ഇരിട്ടി കല്‍പ്പന തിയറ്ററില്‍ പ്രദര്‍ശിപ്പിച്ച മോഹന്‍ലാല്‍ നായകനായ പുലിമുരുകന്‍ സിനിമയുടെ പ്രദര്‍ശനത്തിനിടെയാണ് സാങ്കേതിക തകരാര്‍ ഉണ്ടായത്. ഇതില്‍ പ്രതിഷേധിച്ചാണ് ഒരുസംഘം ആളുകള്‍ ഓഫിസിനു നേരേ അക്രമം അഴിച്ചുവിട്ടത്. ഓഫിസ് മുറിയുടെ ജനല്‍ചില്ലുകള്‍ പൂര്‍ണമായും തകര്‍ന്നു. വിവരമറിഞ്ഞെത്തിയ പൊലിസ് നാലു പേരെ കസ്റ്റഡിയിലെടുത്തു.